خانہ کعبہ کے گرد چاردیواری کردی گئی

 

سوشل میڈیا پر تصاویر سامنے آئی ہیں جن میں دیکھا جاسکتا ہے کہ خانہ کعبہ کے گرد چار دیواری بنا دی گئی ہے۔ یہ تصاویر حرم شریف کے آفیشل ٹویٹر اکاؤنٹ پر شئیر کی گئی ہیں۔ جاری کردہ چار تصاویر میں دیکھا جا سکتا ہے کہ خانہ کعبہ کے گرد ایک چار دیواری موجود ہے۔ دور سے دیکھنے میں یہ چھوٹی لگتی ہے البتہ اصل میں یہ کافی اونچی چار دیواری ہے۔ اس دیوار کی وجہ سے اب طواف کرنے والے افراد رکن یمانی کو چھو نہیں سکتے، نہ ہی حجرہ اسود کا بوسہ لے سکتے ہیں اور حتیم کے اندر بھی نہیں جا سکتے۔ تصاویر سامنے آنے کے بعد مسلمان پریشان ہو گئے ہیں کہ ایسا کیوں کیا گیا ہے۔ آپ بھی یہ تصاویر دیکھ سکتے ہیں۔

خانہ کعبہ کی انتظامیہ کی جانب سے جاری کردی ٹویٹ میں بتایا گیا ہے کہ خانہ کعبہ کی دیکھ بھال اور اصلاح و مرمت کیلئے یہ چار دیواری تعمیر کی گئی ہے اور جلد ہی کام مکمل ہونے کے بعد اسے ہٹا دیا جائے گا۔ بہت سے لوگ ٹویٹ میں سوال کر رہے ہیں کہ اسے کب ہٹایا جائے گا۔

Periodic maintenance work has begun on the elements of the Kaaba, to preserve all its elements in the most beautiful way. pic.twitter.com/TUjvOVg1KF

— The Holy Mosques (@theholymosques) December 10, 2023

جب تک یہ دیوار موجود ہوگی تب تک حجر اسود کو بوسہ کیسے دیا جائے گا، عمرہ زائرین کس طرح طواف کے دوران حجرہ اسود کو بوسہ دیں گے اس حوالے سے تفصیلات زیر نظر ویڈیو میں تفصیل سے بتائی گئی ہے۔ اس ویڈیو میں دیکھا جاسکتا ہے کہ جب تک یہ دیوار موجود ہو گی تک عازمین عمرہ و زائرین حجرہ اسود کو بوسہ کس طریقے سے دیں گے۔